Borðar þú of mikið af salti? -

Hefur þú velt því fyrir þér hvað þú borðar mikið af saltríkum vörum? Íslendingar borða meira af salti en mælt er með – en margir gera sér ekki grein fyrir því. Það er heilsufarslegur ávinningur af því að minnka saltneyslu því þannig má draga úr hækkun blóðþrýstings, en háþrýstingur er einn af áhættuþáttum hjarta- og æðasjúkdóma. Með því að svara þessum spurningum getur þú orðið meðvitaðri um saltvenjur þínar og fengið heilræði um hvernig þú getur minnkað saltneysluna.

Hversu oft borðar þú hafragraut, múslí og/eða sýrðar mjólkurvörur í morgunmat?*
- Daglega
- 4-6 sinnum í viku
- 1-3 sinnum í viku
- Sjaldnar
Hollráð: Það er gott að borða frekar hafragraut, múslí og/eða sýrðar mjólkurvörur í morgunmat í staðinn fyrir morgunkorn eða brauð ef þú vilt draga úr saltneyslunni. Það er fínt að bæta við ávöxtum eða berjum.

Hversu oft borðar þú brauð?*
- 8 brauðsneiðar eða fleiri á dag
- 4-7 brauðsneiðar á dag
- 1-3 brauðsneiðar á dag
- Sjaldnar
Hollráð: Stærstur hluti salts í fæðu kemur úr tilbúnum matvælum, þar með talið úr brauði. Ef þú vilt draga úr saltneyslu getur þú leitað eftir Skráargatinu þegar þú kaupir brauð.

Hversu oft borðar þú kjötálegg, ost eða kæfu sem álegg á brauð?*
- Sem álegg á 8 brauðsneiðar eða fleiri á dag
- Sem álegg á 4-7 brauðsneiðar eða fleiri á dag
- Sem álegg á 1-3 brauðsneiðar á dag
- Sjaldnar
Hollráð: Kjötálegg og ostur getur verið hluti af fjölbreyttu og hollu mataræði. Vegna saltinnihalds getur það verið góð hugmynd að hugsa um hversu mikið þú borðar af þessum vörum. Hægt er að velja fisk eða skelfisk sem álegg á brauð þar sem margir borða of lítið af fiski. Þú getur leitað eftir skráargatsmerktu áleggi eða valið saltminna álegg eins og lárperu (avókadó), kotasælu og egg.

Hversu oft kaupir þú óhollan skyndibita (t.d. hamborgara, pylsur eða pizzur)?*
- Á hverjum degi
- 4-6 sinnum í viku
- 1-3 sinnum í viku
- Sjaldnar
Hollráð: Óhollur skyndibiti og annar tilbúinn matur getur innihaldið mikið salt. Þú getur valið skráargatsmerktar vörur eða reynt að velja hollari skyndibita. Þannig getur þú dregið úr saltneyslu þinni.

Hversu oft borðar þú tilbúna rétti keypta í búð (t.d. lasagna, kjötbollur, nagga eða súpu)?*
- Daglega
- 4-6 sinnum í viku
- 1-3 sinnum í viku
- Sjaldnar
Hollráð: Tilbúnir réttir geta innihaldið mikið salt. Þú getur auðveldlega dregið úr saltneyslu þinni með því að velja skráargatsmerktar vörur. Þú getur borið saman saltinnihald í mismunandi vörum með því að lesa næringarinnihald vörunnar.

Hversu oft notar þú tilbúnar sósur hvort sem er kaldar eða heitar (t.d. pítusósu, tómatsósu, sinnep, sojasósu, kokteilsósu, hamborgarasósu, salatsósu eða pakkasósu)?*
- Daglega
- 4-6 sinnum í viku
- 1-3 sinnum í viku
- Sjaldnar
Hollráð: Tilbúnar sósur geta innihaldið mikið salt. Ef þú vilt draga úr saltneyslu þinni þá getur þú valið að kaupa skráargatsmerktar sósur, haft skammtinn minni eða valið saltminni matvörur líkt og kotasælu, jógúrtsósu eða heimatilbúna saltminni sósu.

Hversu oft notar þú ost, ólífur, saltaðar hnetur eða beikonbita í matargerð, á matinn eða sem snakk?*
- Daglega
- 4-6 sinnum í viku
- 1-3 sinnum í viku
- Sjaldnar
Hollráð: Ostur, ólífur, beikon og saltaðar hnetur sem notað er í matargerð, á mat eða sem snakk getur aukið saltneysluna mikið. Ef þú vilt draga úr saltneyslu þinni þá getur þú í staðinn borðað eitthvað sem er ósaltað, t.d. ósaltaðar hnetur, möndlur, rúsínur eða ávexti eða haft skammtinn lítinn.

Hversu oft borðar þú kartöfluflögur, lakkrís, kex eða sambærilegar vörur?*
- Daglega
- 4-6 sinnum í viku
- 1-3 sinnum í viku
- Sjaldnar
Hollráð: Kartöfluflögur, lakkrís, kex og álíka matvörur geta innihaldið mikið salt. Með því að draga úr neyslu á þessum vörum minnkar þú saltneysluna.

Hversu oft borðar þú saltan og/eða reyktan mat, svo sem pylsur, bjúgu, kjötfars, skinku, hangikjöt eða saltkjöt sem aðalrétt?*
- Vikulega
- 2-3 sinnum í mánuði
- Mánaðarlega
- Sjaldnar
Hollráð: Saltur og/eða reyktur matur, t.d. pylsur, bjúgu, kjötfars, skinka, hangikjöt og saltkjöt eru dæmi um unnar vörur sem geta innihaldið mikið salt. Veldu frekar lítið unnar vörur.